1 2====================================================================== 3Zbiōr ReadMe programu LibreOffice 7.2 4====================================================================== 5 6 7For the latest updates to this readme file, see https://git.libreoffice.org/core/tree/master/README.md 8 9Tyn zbiōr zawiyro ważne informacyje ô ôprogramowaniu LibreOffice. Przeczytej go pozornie przed zaczyńciym instalacyje. 10 11Społeczność LibreOffice je ôdpedzialno za budowanie tego programu i zaproszo cie do zastanowiynio sie nad ôstaniym jednym z jeji czōnkōw. Jeźli używosz programu, nawiydź strōna LibreOffice, kaj znojdziesz informacyje ô projekcie LibreOffice jak tyż jego społeczności. Nawiydź http://www.libreoffice.org/. 12 13Je LibreOffice naprowda darmowy dlo wszyjskich? 14---------------------------------------------------------------------- 15 16Program LibreOffice je darmowy dlo wszyjskich. Możesz używać tyj kopije LibreOffice i instalować jōm na tylu kōmputrach, wielu ino chcesz, jak tyż używać jij w kożdym cylu (kōmercyjnym, regyrōnkowym, edukacyjnym i w instytucyjach administracyje publicznyj). Wiyncyj informacyji idzie znojść w licyncyji przidanyj do pobranego LibreOffice. 17 18Czymu program LibreOffice je darmowy dlo kożdego? 19---------------------------------------------------------------------- 20 21Możesz używać tyj kopije LibreOffice bez płacynio, bo moc spōłpracownikōw i spōnsorōw go projektowało, tworziło, testowało, ôpisowało, spiyrało, reklamowało i pōmogało na siyła inkszych spusobōw, żeby LibreOffice bōł tym, czym je dzisiej – liderym postrzōd paketōw biurowych zorty Open Source na świecie, do użytku w dōma i we firmie. 22 23Jeźli docyniosz jejich robota i chcesz być zicher, iże w prziszłości LibreOffice durch bydzie dostympny za darmo, zastanōw sie nad prziwstōniym do projektu – zobocz https://www.documentfoundation.org/contribution/ coby przewiedzieć sie wiyncyj. Kożdy może w jakiś spusōb pōmōc. 24 25---------------------------------------------------------------------- 26Informacyje ô instalacyji 27---------------------------------------------------------------------- 28 29LibreOffice wymogo nojnowszyj wersyje strzodowiska Java Runtime Environment (JRE) dlo połnego fungowanio. JRE to niyma tajla paketu instalacyjnego LibreOffice i winiyn być zainstalowany ekstra. 30 31Wymogania systymowe 32---------------------------------------------------------------------- 33 34Podle ôgōlnego prawidła, zalyco sie instalowanie LibreOffice przi użyciu mechanizmōw instalacyji dostympnych we twojij dystrybucyji Linuksa (takich jak Cyntrum Ôprogramowanio w Ubuntu abo YaST w przipadku openSUSE). Je to porzōnd ajnfachowy spusōb instalacyje a software je ôptymalnie zintegrowane z systymym. Naprowda LibreOffice mōg ôstać zainstalowany w czasie instalacyje systymu ôperacyjnego Linux. 35 36Tyn samodzielny instalatōr LibreOffice je przeznaczōny dlo używoczy ô ekstra potrzebach, co używajōm wersyji roboczynch, jak tyż w niysztandardowych przipadkach. 37 38* Linux Kernel version 3.10 or higher; 39* glibc2 version 2.17 or higher; 40* FreeType version 2.8.0 or higher; 41* GTK version 3.20 or higher; 42* Gnome 3.18 or higher, with the at-spi2 1.32 package (required for support for assistive technology [AT] tools), or another compatible GUI (such as KDE, among others). 43 44Je siyła roztōmajtych dystrybucyji Linuksa a ôpcyje instalacyje dostympne dlo tyj samyj dystrybucyje mogōm sie rōżnić (w KDE, Gnome, itp.). Niykere dystrybucyje lifrujōm włosno natywno wersyjo LibreOffice, kero może trocha rōżnić sie ôd wersyje LibreOffice lifrowanyj ôd społeczności. W wielu przipadkach możliwo je instalacyjo wersyje LibreOffice lifrowanyj ôd społeczności kole wersyje natywnyj. Możliwe, iże bydziesz chcieć skasować wersyjo natywno przed zainstalowaniym wersyje lifrowanyj ôd społeczności. Szyrszych informacyji na tyn tymat trzeba szukać w zasobach pōmocy lifrowanych ôd kōnkretnego wydowcy dystrybucyje Linux. 45 46Zalycano nojlepszo praktyka to je robiynie kopije ibrycznyj systymu i danych przed skasowaniym abo instalacyjōm ôprogramowanio. 47 48Trzeba dać pozōr, czy styko wolnego placu w katalogu tymczasowym, i czy ôstały prziznane uprawniynia ôdczytu, zopisu i sztartowanio. Przed zaczyńciym procesu instalacyje trzeba zawrzić inksze programy. 49 50Instalacyjo LibreOffice w systymie Linux ôpartym ô dystrybucyjo Debian/Ubuntu 51---------------------------------------------------------------------- 52 53Coby dostać instrukcyje, jak zainstalować paket jynzykowy (po instalacyji anglojynzycznej wersyje LibreOffice), przeczytej sekcyjo niżyj, zatytułowano Instalacyjo paketu jynzykowego. 54 55Po rozpakowaniu pobranego archiwum jego zawartość ukoże sie w nowym podkatalogu. Trzeba ôtworzić mynedżer zbiorōw i przejść do katalogu, co jego miano zaczyno sie ôd „LibreOffice_” i w dalszyj czyńści zawiyro numer wersyje i informacyjo ô platformie. 56 57Tyn katalog zawiyro podkatalog ze mianym „DEBS”. Zmiyń katalog na „DEBS”. 58 59Kliknij prawym kneflym myszy na katalogu i ôbier z myni „Ôtwōrz w Terminalu”. Ôkno terminala ôtworzi sie. We liniji kōmynd trzeba wpisać ta kōmynda (pokoże sie pytanie ô hasło używocza root, podwiela kōmynda bydzie wykōnano): 60 61Ta kōmynda zainstaluje LibreOffice i paket integracyje ze biōrkym (zamiast wpisować je ryncznie, możesz przekopiować kōmynda do terminala): 62 63sudo dpkg -i *.deb 64 65Proces instalacyje je teroz skōńczōny a ikōny wszyjskich aplikacyji LibreOffice winny sie pokazować w myni Programy/Biōro. 66 67Instalacyjo LibreOffice dlo Fedory, openSUSE, Mandriwy i inkszych dystrybucyji Linuksa, co używajōm paketōw RPM 68---------------------------------------------------------------------- 69 70Coby dostać instrukcyje, jak zainstalować paket jynzykowy (po instalacyji anglojynzycznej wersyje LibreOffice), przeczytej sekcyjo niżyj, zatytułowano Instalacyjo paketu jynzykowego. 71 72Po rozpakowaniu pobranego archiwum jego zawartość ukoże sie w nowym podkatalogu. Trzeba ôtworzić mynedżer zbiorōw i przejść do katalogu, co jego miano zaczyno sie ôd „LibreOffice_” i w dalszyj czyńści zawiyro numer wersyje i informacyjo ô platformie. 73 74Tyn katalog zawiyro podkatalog ze mianym „RPMS”. Zmiyń katalog na „RPMS”. 75 76Kliknij prawym kneflym myszy na katalogu i ôbier z myni „Ôtwōrz w Terminalu”. Ôkno terminala ôtworzi sie. We liniji kōmynd trzeba wpisać ta kōmynda (pokoże sie pytanie ô hasło używocza root, podwiela kōmynda bydzie wykōnano): 77 78For Fedora-based systems: sudo dnf install *.rpm 79 80Dlo systymōw opartych na dystrybucyji Mandriva: sudo urpmi *.rpm 81 82Dlo inkszych systymōw opartych na paketach RPM (openSUSE, itp.): rpm -Uvh *.rpm 83 84Proces instalacyje je teroz skōńczōny a ikōny wszyjskich aplikacyji LibreOffice winny sie pokazować w myni Programy/Biōro. 85 86Możesz tyż użyć skryptu „install”, co je na nojwyższym poziōmie foldera archiwum, coby sztartnōńć instalacyjo za używocza. Skrypt skōnfiguruje LibreOffice z włosnym profilym, ôddzielōnym ôd twojigo normalnego profilu LibreOffice. Dej pozōr, iże to niy bydzie instalacyjo elymyntōw, co integrujōm ze systymym, takich jak pozycyje w myni biōrka i wpisy w regeście MIME. 87 88Zopiski ô integracyji z biōrkym dlo dystrybucyji Linuksa niy wymianowanych w powyższyj instrukcyji instalacyje 89---------------------------------------------------------------------- 90 91Instalacyjo LibreOffice winna być blank prosto w dystrybucyjach Linuksa, kere były pōminiynte w tyj instrukcyji instalacyje. Jedyno rōżnica może sie zdarzić w integracyji z biōrkym. 92 93Katalog RPM (abo ôdpednio DEB) zawiyro tyż paket ô mianie libreoffice7.2-freedesktop-menus-7.2.0.1-1.noarch.rpm (abo libreoffice7.2-debian-menus_7.2.0.1-1_all.deb). Je ôn przeznaczōny dlo wszyjskich dystrybucyji Linuksa, co spiyrajōm specyfikacyje/rekōmyndacyje Freedesktop.org (https://en.wikipedia.org/wiki/Freedesktop.org) i niy były ujynte w miyniōnyj instrukcyji. 94 95Instalacyjo paketu jynzykowego 96---------------------------------------------------------------------- 97 98Trzeba pobrać paket jynzykowy dlo ôdpednij godki i platformy. Pakety dostympne sōm w tym samym miyjscu, co bazowe archiwum instalacyjne. Ze pōmocōm mynedżera zbiorōw trzeba rozpakować pobrane archiwum do katalogu (bp. na biōrko). Trzeba tyż dać pozōr, żeby żodyn z programōw paketu LibreOffice niy bōł sztartniynty (społym z modułym gibkigo sztartowanio QuickStarter). 99 100Trzeba przejść do katalogu, kaj pobrany paket jynzykowy bōł rozpakowany. 101 102Po rozpakowaniu paketu jynzykowego trzeba przejś do katalogu, co ôstoł stworzōny. Bez przikłod, dlo francuskigo paketu jynzykowego dlo systymu Debian/Ubuntu 32-bit, miano katalogu zaczyno sie ôd LibreOffice_ i w dalszyj czyńści zawiyro numer wersyje i Linux_x86_langpack-deb_fr. 103 104Teroz przejdź do katalogu, co zawiyro pakety instalacyjne. Dlo systymōw ôpartych ô dystrybucyjo Debian/Ubuntu tyn katalog nazywo sie DEBS. Dlo systymōw Fedora, openSUSE i Mandriva tyn katalog nazywo sie RPMS. 105 106Kliknij prawym kneflym myszy na katalogu i ôbier z myni „Ôtwōrz w Terminalu”. Ôkno terminala ôtworzi sie. Coby zainstalować paket jynzykowy, w wierszu nakozań trzeba wpisać ta kōmynda (pokoże sie prośba ô hasło używocza root, podwiela kōmynda bydzie wykōnano): 107 108Dlo systymōw, co bazujōm na Debianie/Ubuntu: sudo dpkg -i *.deb 109 110For Fedora-based systems: su -c 'dnf install *.rpm' 111 112Dlo systymōw ôpartych na dystrybucyji Mandriva: sudo urpmi *.rpm 113 114Dlo inkszych systymōw, co używajōm RPM (openSUSE, etc.): rpm -Uvh *.rpm 115 116Ôtwōrz jedyn z programōw LibreOffice – bez przikłod Writer. Z myni Noczynie ôbier Ôpcyje. W ôknie dialogowym Ôpcyje aktywuj „Sztelōnki jynzyka” i ôbier „Jynzyki”. Z listy „Interfejs używocza” ôbier nowy zainstalowany jynzyk. Idzie zrobić to samo dlo „Sztelōnki lokalne”, „Waluta wychodno” i „Wychodny jynzyk dokumyntōw”. 117 118Po zmianie tych sztelōnkōw trzeba naciś knefel OK. Ôkno dialogowe zawrzi sie i bydzie pokozano informacyjo ô tym, iże dokōnane zmiany ôdniesōm skutek dopiyro po sztartniyńciu na nowo LibreOffice (pamiyntej ô zawarciu modułu gibkigo sztartowanio QuickStarter). 119 120Zainstalowany i ôbrany jynzyk bydzie aktywny przi nastympnym ôtwarciu LibreOffice. 121 122---------------------------------------------------------------------- 123Problymy w czasie sztartowanio programu 124---------------------------------------------------------------------- 125 126Problymy ze ôtwarciym paketu LibreOffice (bp. zawieszanie sie aplikacyje) jak tyż problymy z ekranym trefiajōm sie czynsto skuli kludzocza karty graficznyj. W przipadku dojścio do tyj zorty problymōw zaktualizuj kludzocz karty graficznyj abo sprōbuj zastosować kludzocz karty graficznyj dolifrowany społym z systymym ôperacyjnym. Problymy z pokazowaniym ôbiektōw 3D porzōnd idzie rozwiōnzać bez dezaktywacyjo ôpcyje „Użyj OpenGL”, co je w katalogu: „Noczynie - Ôpcyje - LibreOffice - Widok - Widok 3D”. 127 128---------------------------------------------------------------------- 129Skrōty tastatury 130---------------------------------------------------------------------- 131 132W programie LibreOffice mogōm być używane ino te skrōty tastaturowe (kōmbinacyje knefli), co niy sōm używane ôd systymu ôperacyjnego. Jeźli skrōt w programie LibreOffice niy funguje w spusōb ôpisany w pōmocy LibreOffice, trzeba wybadać, eli niyma ôn używany ôd systymu ôperacyjnego. Jeźli tak je, możesz skasować tyn kōnflikt bez zmiyniynie skrōtōw używane ôd systymu. Możesz tyż zmiynić hned kożdy skrōt używany w produkcie LibreOffice. Wiyncyj informacyji na tyn tymat je w pōmocy do produktu LibreOffice i w dokumyntacyji używanego systymu ôperacyjnego. 133 134---------------------------------------------------------------------- 135Blokowanie zbiorōw 136---------------------------------------------------------------------- 137 138Sztandardowe blokowanie zbiorōw je włōnczōne w produkcie LibreOffice. W necu, co w nim je używany protokōł necowego systymu zbiorōw (NFS), dymōn blokowanio zbiorōw dlo klijynta NFS musi być aktywny. Coby zastawić blokowanie zbiorōw, edytuj skrypt soffice i zmiyń zawartość wiersza "export SAL_ENABLE_FILE_LOCKING" na "# export SAL_ENABLE_FILE_LOCKING". Po zastawiyniu blokowanio zbiorōw dostymp z uprawniyniami do zopisu w dokumyńcie niyma ôgraniczōny do używocza, co piyrszy go ôtworzōł. 139 140---------------------------------------------------------------------- 141Wydajność graficzno 142---------------------------------------------------------------------- 143 144Wychodnie LibreOffice przedkłodo fajny wyglōnd nad wartkość fungowanio. Jeźli wydajność graficzno bydzie na niskim poziōmie, spōmocne może pokozać sie zastawiynie ôpcyje z myni 'Noczynie - Ôpcyje - LibreOffice - Widok - Włōncz antyaliasing'. 145 146---------------------------------------------------------------------- 147Ważne informacyje ô dostympności 148---------------------------------------------------------------------- 149 150Wiyncyj informacyji na tymat dostympności w LibreOffice idzie znojś pod adresōm https://www.libreoffice.org/accessibility/ 151 152---------------------------------------------------------------------- 153Sparcie używocza 154---------------------------------------------------------------------- 155 156Głōwno strōna sparcio Strōna pōmocy ôferuje roztōmajte możliwości pōmocy ze LibreOffice. Możliwe, iże ôdpowiydź na twoje pytanie była już napisano. Wejzdrzij do Forum Społeczności pod adresōm https://www.documentfoundation.org/nabble/ abo przeszukej archiwum listy mailingowyj 'users@libreoffice.org' pod adresōm https://www.libreoffice.org/lists/users/. Możesz tyż wysłać swoje pytanie pod adresa users@libreoffice.org. Jeźli chcesz subskrybować lista, wyślij prōzny email pod adresa users+subscribe@libreoffice.org. 157 158Wybadej tyż sekcyjo FAQ na strōnie LibreOffice . 159 160---------------------------------------------------------------------- 161Report błyndōw & problymōw 162---------------------------------------------------------------------- 163 164Bugzilla je naszym systymym do raportowanio, śledzynio i rozwiōnzowanio błyndōw, dostympno pod adresōm http://bugs.documentfoundation.org/. Zachyncōmy wszyjskich używoczy do raportowanio błyndōw, jake mogōm sie ukozać na jejich platformach. Ynergiczne raportowanie błyndōw je jednym z nojważniyjszych fungowań, jake społeczność używoczy może wniyść do dalszego rozrostu i poprawy LibreOffice. 165 166---------------------------------------------------------------------- 167Prziłōncz sie 168---------------------------------------------------------------------- 169 170Społeczność LibreOffice miała by wielki użytek z twojigo aktywnego udziału w rozroście tego ważnego projektu open source. 171 172Jak kożdy używocz, je żeś już wertownōm tajlōm procesu rozrostowego i chcieliby my zachyńcić cie do podyjmniyńcio barzij aktywnyj role w dugoterminowyj spōłprace ze społecznościōm. Nawiydź i wybadej strōna z informacyjami ô możliwych spusobach spōłprace pod adresōm Strōny LibreOffice. 173 174Jak zaczōńć spōłpraca? 175---------------------------------------------------------------------- 176 177Nojlepszym spusobym na zaczyńcie spōłprace je zapisanie sie na jedna abo wiyncyj list mailingowych, przeglōndanie archiwum i stopniowe zapoznowanie sie z tymatami tam poruszōnymi. Bez to, iże kod zdrzōdłowy LibreOffice ôstoł wydany w Październiku 2000, zakres tymatycznych list je doś przestrōnny. Jak bydziesz sie czuć kōmfortowo, jedyne co musisz zrobić, to wysłać email w kerym krōtko sie przedstawisz i wskoczysz na głymboko woda. Jeźli projekty Open Source niy sōm cudze do ciebie, wybadej nasza lista TODO i zobocz, czy tam je coś, przi czym chcesz pōmōc. Wiyncyj informacyji pod adresōm Strōny LibreOffice/. 178 179Subskrybuj 180---------------------------------------------------------------------- 181 182Niżyj je pora list mailingowych, co na nie możesz sie zapisać pod adresōmhttps://www.libreoffice.org/get-help/mailing-lists/ 183 184* Nowości: announce@documentfoundation.org *zalycano dlo wszyjskich* (mały ruch) 185* Bazowo lista używoczy: users@global.libreoffice.org *prosto podpatrzisz dyskusyjo* (srogi ruch) 186* Marketing: marketing@global.libreoffice.org *beyond development* (coroz ciynżyjszy) 187* Ôgōlno lista programistōw: libreoffice@lists.freedesktop.org (srogi ruch) 188 189Prziwstowanie do jednego abo wiyncyj projektōw 190---------------------------------------------------------------------- 191 192Możesz mieć srogi wkłod w tyn ważny projekt open source, nawet jeźli mosz niysroge doświadczynie w projektowaniu i tworzyniu ôprogramowanio. Ja, ty! 193 194Mōmy nadzieja, iże podobo ci sie nowe LibreOffice 7.2 i prziłōnczysz sie dō nos w internecie. 195 196Społeczność LibreOffice 197 198---------------------------------------------------------------------- 199Użyty / Zmodyfikowany kod zdrzōdłowy 200---------------------------------------------------------------------- 201 202Portions Copyright 1998, 1999 James Clark. Portions Copyright 1996, 1998 Netscape Communications Corporation.